Is mian linne, cairde, teaghlach agus pobal Rónáin Mhic Aodha Bhuí, comóradh a dhéanamh ar shaol agus ar shaothar ár gcara - an phearsa ógánta, rógánta agus eiseamláireach a sciobadh uainn i bhfad róluath i bhFómhar 2023. Is mian linn an réabhlóid teanga a bhunaigh Rónán a cheiliúradh agus a choinneáil beo bríomhar le féile úrnua bhliantúil deireadh seachtaine, agus fáilte is céad a chur roimh Ghaeil as gach cearn go Gaoth Dobhair.
Le linn na féile Dorn san Aer, is mian linn cur leis an obair a rinne Rónán, agus ardán spreagúil, nuálach agus gairmiúil a chur ar fáil d’ealaíontóirí na Gaeilge agus tacú leo ar achan dóigh. Ceiliúradh a dhéanamh ar theanga agus ar cheol na nGael!
Tá an fhéile Dorn San Aer ainmnithe as an gháir agus as an rosc misnigh sin a scairt Rónán amach in ard a chinn agus a ghutha go mion minic le Gaeil ar fud na cruinne a spreagadh. Thug Rónán ardán ceoil agus dóchais d’ealaíontóirí agus d’oirfidigh úra Gaeilge lena Chabaret Craiceáilte gach mí. Chuir sé brí agus fuinneamh i ndaoine de gach aois le fonn agus le fáilte.
Tá bród agus lúcháir as cuimse orainne an síol sin a chuir Rónán a choinneáil faoi bhláth, chomh maith is a thig linn. Díreach mar a rinne Rónán i gcónaí, féile í seo a chuirfidh fáilte roimh chách, roimh gach cineál ceoil agus ealaíne - a fhad is gur den dúchas é. Díreach mar a ba mhian leis féin, bhéarfar aire ar leith do mhionlaigh teanga agus cine, agus go háirid daofa siúd atá faoi bhagairt. Cuimhneoimid ar an nasc láidir sin a chruthaigh Rónán idir na ceantair Ghaeltachta agus na críocha gafa uile. Cinnteoimid nach scaoilfear go deo an ceangal dílis, daingean sin.
Fear teaghlaigh a bhí i Rónán, athair agus céile grámhar do Bhernie agus d’Fhionnuala. Mhol sé an óige i gcónaí! Mar is dual, cuirfear béim ar leith san fhéile seo ar imeachtaí teaghlaigh.
Cuireadh chun cairdis atá san fhéile - cairde úra agus seanchairde, cuireadh chun damhsa, cuireadh chun ceoil - ach thar rud ar bith, comóradh agus cuimhne ar an Ghile Mear s’againne, an stócach breá den tsliocht s’againne - sliocht na nGael.
Dorn san aer do na Gaeil!
Mín na Cuinge, Gaoth Dobhair
(074) 953 2900 reservations.ac@gallengroup.com http://anchuirthotel.comAnagaire, Na Rosa
+353 (0) 74 95 48113 info@donegalhotel.ie http://www.donegalhotel.ie/An Ghlaisigh, Gaoth Dobhair
+353 (0) 74 9531173 teacjack@yahoo.com https://www.teacjack.com/Gort a' Choirce
+353 (0) 74 9135267 reservations@lochaltan.com https://ostanlochaltan.com/Podanna Glampála, Teach Leo, Mín na Leice, Na Rosa
+353 085 7817764 info@meenaleckglamping.com https://meenaleckglamping.com/Machaire Rabhartaigh
+353 085 1184453 info@mrglamping.ie https://www.mrglamping.ie/homeRann na Feirste, Na Rosa
+353 089 6174757 stay@glampingrnf.com https://www.glampingrannnafeirste.com/An Luinnigh, Gaoth Dobhair
+353 (0) 86 8561714Glaise Chú, Gaoth Dobhair
+353 (0) 87 7849944An Luinnigh, Gaoth Dobhair
+353 (0) 74 9131296Srath Caonach, Gaoth Dobhair, F92 D784
+353 085 1959367An Bun Beag, Gaoth Dobhair
+353 087 9967413 https://donegalcottages.ie/listings/st-johns-bunbeg/>
Ba mhór linn do chuidiú agus fáiltíonn muid roimh dhuine ar bith atá sásta tacú linn ar bhealach ar bith. Más mian leat cuidiú, cuir ríomhphost chugainn anseo le do thoil.
